Eusko Jaurlaritzak Euskadiko Bonu Iraunkorraren laugarren jaulkipena egin zuen azaroak 10ean, 600 m/€-ko balioarekin. Izan ere, finantza arloko ziurgabetasuna nagusi den une honetan, eskaria eskaintza baino 3,3 aldiz handiagoa izan da, 1.962 M/€-koa, hain zuzen ere, 16 herrialdetako 120 inbertitzailerekin. Mota honetako bonoen lehenengo jaulkia 2018 burutu zen, 500 M/€-ko bolumena izanda. Merkatuengandik antzerako erantzuna jaso zuen duela bi urte ere.

Esleipenaren %72 nazioarteko inbertitzaileetara bideratu da eta %28 estatuko inbertitzaileetara. Inbertitzaile gehienak Inbertsio Funtsetako Kudeatzaileak izan dira (%56), ondoren Aseguruen eta Pentsio Funtsen sektoreko erakundeak (%23) eta Bankuak eta Banka pribatua (%20) etorri dira. Gainerakoek %1 eskuratu dute. Nazioarteko eskaintzan parte hartu duten ibertitzeileek honako herrialdeetatik jarduten dute: Austria, Alemania, Belgika, Danimarka, Espainia, Frantzia, Erresuma Batua, Holanda, Italia, Luxenburgo, Monako, Israel, Txekiar Errepublika, Suitza, Irlanda eta Portugaletik.

Jaulkipena negoziatu ondoren lortu den tasa nominala %0,25ekoa izan da 10 urtera, oinarrizko 9 puntuko spread-arekin. Autonomia Erkidego batek 10 urterako egindako emisio batek inoiz lortu duen tasa txikiena da, eta Autonomia Erkidego batek digitu bakarreko spread-a lortu duen lehen aldia, bai araubide komuneko erkidegoen artean zein lurralde foralen artean.

Hurrengo diagramak erakusten duen arabera, finantzatu beharreko kategoriei dagokienez, %86 gizarte arloko programetara bideratuko da, eta %14, ingurumen arloko programetara.

Iturria: Irekia. Eusko Jaurlaritza.