Espainiak 1990. urtean baieztatutako kirolari buruzko legeak (10/1990, urriak 15 eko legea), futbol eta saskibaloi talde profesional guztiak Kirol Sozietate Anonimoa (SAD) bilakatzera behartu zituen, salbuespen batez. Legearen zazpigarren adierazpen osagarriaren arabera, 1986 eta 1990 bitarteko denboraldietan ondare-saldo neto positiboa izanez gero, klub-en forma juridikoa mantentzeko aukera zuten.  Athletic, Osasuna, Barça eta Real Madrilen kasua zen hau. Klubak eta SAD-ek zerga erregimen desberdinak (25% vs. 30%-ko tipo marjinala) izan zituzten 2015. urterarte.

Ondorioz, Europar Komisioak, konpetentzia politika arloan duen ahalmenez baliatuz, barne merkatuaren kontra joaten ziren estatu diru laguntza ilegalak zirela erabaki zuen, lau Klubak zerga ordainketetan aurrezpenak lortzen ari zirela argudiatuz. Europar Komisioak Espainari ezarri zio estatu diru laguntza ilegalak berrezkuratzea, baina Klubek EB-ko Auzitegi Orokorraren aurrean ebazpenaren kontrako helegitea aurkeztu zuten. Horrela, 2019-ko otsailean estatu diru laguntzen legalitatea sustatzen zuen epaia eman zuen. Auzitegi Orokorreko epaien arabera, Europar Komisioak ez zuen frogatu tipo marjinalak alde batera utzita, Kluben erregimen fiskala abantailatsuagoa zenik.

Alabaina, erabakiarekin ez konforme egonda, Europar Komisioak kasazio errekurtsoa aurkeztu zuen EB-ko Justizia Auzitegiaren aurrean, 2021-ko martxoan hedatutako sententziak lau futbol taldeek estatu laguntza ilegalak jaso zituztela ondorioztatu du, Europar Komisioari  arrazoia emanda. Ebazpena apelaezina da, ondorioz irmoa. Hau dela eta, Espainiak diru laguntza ilegalak berreskuratu beharko ditu. Nafarroako eta Bizkaiako kluben kasuan, foru ogasuneko administrazioaren ardura izango da, Ekonomia Itunaren araubideak ezartzen duten autonomia fiskalaren adierazpena izanda.