Yolanda Barcina, Nafarroako Gobernuko presidenteak, Cristobal Montororekin bildu da, Itun Ekonomikoa aldatzeko beharra helarazteko hain zuzen ere. Auzitegi Konstituzionalak bertan behera utzi zuen Nafarroako energía elektrikoaren ekoizpenaren gaineko zerga araudia, eta horrek eragin du Ituna aldatzeko beharra. Montorok Itun Ekonomikoa “gaurkotzeko” borondatea duela adierazi dio Barcinari.
Cristobal Montorok izango du negoziazioaren kontrola, Auzitegi Konstatuzionalaren azken epaiak eta BEZaren doikuntzek posizio indartsuagoa ematen diotelako. Nafarroan kezka handia sortu du ekainaren 26ko Auzitegi Konstituzionalaren epaiak eta Zerga autonomiaren aurkako erasotzat hartu dute ia nafarroako alderdi politiko guztiek, UPN barne.
Itun Ekonomikoaren batzorde koordinatzaileak lehen bilera uztailaren 31n egingo du, eta azken lau urteetan ezarri diren zerga berriak nola ezarri negoziatuko dute. On line jokoaren gaineko tasa, Konstituzionalak baliogabetutako argindar ekoizpenaren zerga eta loteriaren zerga negoziatuko dituzte.
Nafarroako Gobernuak, Itun Ekonomiakoa bost urtean behin berritzen denez, epe horretan ezartzen diren zerga berriak nola kudeatu zehaztu nahi du, argi uzteko noiz dagokion Nafarroari zerga propioak ezartzea eta noiz Estatuak ezarritako zerga ezartzea. Itunaren aldeketak Nafarroako Parlamentuaren eta Kongresuaren oniritzia beharko du indarrean jartzeko.
Iturriak: