Maiatzaren 6an Foru Aldundiko Gobernu kontseiluak araubide erkidegoko tributu-sisteman sartu diren sei zerga berrien foru-arauen aurreproiektuak onartu ditu. Zerga berri hauek orain dela gutxi itundu dira, Ekonomi Ituna eraldatzen duen 7/2014 Legearen bitartez, eta orain Bizkaiko Batzar Nagusietan eztabaidatu eta onetsi beharko dira. Onetsi ondoren zerga horien tributuen ordainarazpena, kudeaketa eta diru bilketa Foru Aldundiaren eskuetan egongo da.
Sei zerga berriak honakoak dira:
1- Energia elektrikoaren ekoizpenaren balioaren gaineko Zerga.
2- Agorturiko erregai nuklearraren produkzioaren eta hondakin erradiaktiboen gaineko Zerga.
3- Erregai nuklear agortua eta hondakin erradioaktiboak instalazio zentralizatuetan biltegitzearen gaineko Zerga.
4- Berotegi-efektuko gas fluorduen gaineko Zerga.
5- Kreditu-erakundeetako Gordailuen gaineko Zerga.
6- Joko-jardueren gaineko Zerga.
Sei zerga hauek 2013ko urtarrilaren 1tik itundutzat ematen dira, Gas fluorduen gaineko Zerga izan ezik, zerga hori 2014ko urtarrilaren 1etik ezarriko baita.
Iturriak: