Temporary Solidarity Tax of Great Fortunes

Actuality
2023/11/07

Bizkaiko Foru Aldundiak Fortuna Handien Aldi Baterako Elkartasun Zergaren foru-araua proiektua onetsi du Gobernu Kontseiluan, eta orain haren tramitazio parlamentarioa hasiko da Bizkaiko Batzar Nagusietan, halako eran non tributu hori Bizkaiko zerga-sisteman txertatu ahal izan dadin 2023ko ekitaldian.

Fortuna Handien Aldi Baterako Elkartasun Zergaren foru-arau proiektuak erreplikatu egiten du lurralde erkidean indarrean dagoen zergarako ezarritako konfigurazioa. Tributu horrek, zuzenekoa, izaera pertsonalekoa eta ondare-zergaren osagarria izanik, pertsona fisikoen 3.000.000 eurotik gorako ondare garbia zergapetzen du, eta haren sortzapena abenduaren 31n gauzatzen da urtero.

Aldi baterako zerga denez, eta Ekonomia Itunean jasotzen den bezala, lurralde erkidean indarrean dagoen bitartean izango du FHABEZak indarra Bizkaiko Lurralde Historikoan.

Zerga progresiboa da, zerga-tasa handiagoa aplikatzen baitie ondare handiagoei. Haientzat lau tarte ezarri dira, zeinetan zergapetuko baita pertsona fisikoaren ondareak osatzen duen zerga-oinarriaren % 1,5, % 1,75, % 2,0 eta % 3,5.

Gehienez (€)	Kuota (€)	Gainerakoa (gehienez) €	% tasa
3.200.000	0	3.200.000	1,50
6.400.000	48.000	6.400.000	1,75
12.800.000	160.000	3.200.000	2,00
16.000.000	224.000	Aurrerantzean	3,50

Ondare-zergaren osagarria denez, beren ondare-zergaren kuota likidoaren zenbateko bereko kenkaria aplikatuko diote zergadunek Fortuna Handien Aldi Baterako Elkartasun Zergaren kuota osoari.

Horregatik, eta erreferentziatzat harturik ondare-zergaren ordaintzaileen 2021eko ekitaldiko datu indibidualizatuak, estimatzen da FHABEZak 2.000.000 euro inguru bilduko lituzkeela, 51 zergadun kontuan hartuta, zeinek kuota handiagoa ordainduko baitute zerga berri horrengatik, ondare-zergagatik baino.

Iturria: Bizkaiko Foru Aldundia