ELA sindikatuak Euskal Herriko fiskalitateari buruzko txostena aurkeztu du Bilbaon. Txostenaren arabera, Bizkaiko, Gipuzkoako, Arabako eta Nafarroako presio fiskala Europako batez bestekoaren adinakoa balitz, urtean 7.579 milioi euro gehiago jasoko lirateke.

2012ko datuen arabera Bizkaiko, Gipuzkoako, Arabako eta Nafarroako presio fiskala Barne Produktu Gordinaren %30,5koa izan zen. Urte horretan Europako Batasuneko batez besteko presio fiskala %39,4koa izan zen. Europako Batasunean sei estatuk daukate lau Lurralde Historikoek baino presio fiscal txikiagoa: Irlandak, %28,7; Eslovakiak eta Errumaniak, 28,3%; Letoniak eta Bulgariak %27,9 eta azkenik Lituaniak %27,2%.

Adolfo Muñoz, ELAko idazkari nagusiak, esan duenez, laneko errentek batez beste 23.038,6 euroko errenta aitortu zuten 2014an. Aldiz, enpresari eta profesionalek aitortutako errenta 11.944,3 eurokoa izan zen, 11.094 euro gutxiago.

Iruzur fiskalaren kontrako borrokan ikuskaritza mailak areagotzea eskatu du ELA sindikatuak.

Iturriak:

1.Iturria

2.Iturria

3.Iturria