Baliabideen banaketa Euskadiko Ogasunen artean
Hogeita hamasei urteko historia eta proposamen bat
Iñaki Ansoategui
Baliabide eta bitarteko publikoak barruan banatzeko euskal sistemak singulartasun berezia dauka: administrazioaren tarteko mailak, foru erakundeek eratuta dagoenak, zerga-bilketaren ardura du Ekonomia Itunaren arabera eta maila horretan biltzen da Erkidegoaren sarrera publikoen gehiengoa. Ordea, goragoko mailari dagokionez, Euskal Administrazio Orokorrak, bere eskumenak bateraraziz, gastu publikoaren bolumenik handiena egiten du. Erakundeen sarrera eta gastu publikoen arteko asimetria horrek hiru mailako erakundeen arteko finantza-harremanak eragiten ditu, batez ere Lurralde Historikoei buruzko Legearen eta Ekarpenei buruzko Legeen bidez arautzen direnak.