Ekonomia Ituna eta enpresen zerga-ordainketa
Erabilgarritasunen Epaimahai Mistoaren sorreraren eragina (1927-1933)
Mikel Erkoreka
Erabilgarritasunen Epaimahai Mistoa 1927an jarri zen martxan, Ekonomia Itunaren esparruan Erabilgarritasunen gaineko Zerga aplikatzean lurraldetasun-printzipioa betetzen dela bermatzeko. Estatuaren eta Euskal Herriaren arteko zerga-harremanetan elementu berritzailea izateaz gain, epaimahai mistoen araubideak eragin zuzena izan zuen Erabilgarritasunen gaineko Zergan zerga-oinarriak banatzeko esparruan. Artikulu honen helburua Erabilgarritasunen Epaimahai Mistoa ezartzeak izan zuen zerga- eta aurrekontu-eragina kuantifikatzea da. Artikuluak ondorioztatzen du, zergei eta aurrekontuei dagokienez, epaimahaien araubidea ezartzea batez ere Ogasun Ministerioaren mesederako izan zela.