XV. Ituna Jardunaldian izena emateko azken egunak

Hedakuntza
2025/11/26

Ekonomia Itunaren berezko zerga-esparrua garapen ekonomikorako tresna gisa: zerga-politika eta arrakasta-kasuak

Ekonomia Itunak Euskadiri zerga arloan ematen dion autonomia normatiboa funtsezko tresna da une bakoitzeko egoera ekonomikoari egokitutako politika fiskala garatzeko, eta, aldi berean, Ekonomia Itunak Euskadiko autogobernuan duen garrantziaren adierazgarri argia ere bada.

Gaitasun horri esker, zerga-esparrua egoera bakoitzaren ekonomiaren beharretara egokitu daiteke, eta horrela, gizartearen beharretatik hurbil dagoen politika ekonomiko moldakor eta lehiakorra garatzen da.

Ituna Zentroak, ezaugarri horren garrantziaz jabetuta, XV. Ituna Jardunaldia antolatu du: “Ekonomia Itunaren berezko zerga-esparrua garapen ekonomikorako tresna gisa: zerga-politika eta arrakasta-kasuak”, Euskal Herriko politika fiskalaren bilakaerari buruz hausnartzeko eta Ekonomia Itunaren esparruan sortu diren arrakasta-kasuak balioan jartzeko.

Eguna: 2025eko abenduaren 1a.

Lekua: Baroja Auditorioa, Bizkaia Aretoa, Bilbao

EGITARAUA:

9:00 – Harrera
9:30 –Jardunaldiaren hasiera

Estitxu Garai doktorea- Bizkaiko Kanpuseko eta Komunikazioko Errektoreordea (EHU)

Itxaso Berrojalbiz – Bizkaiko Ogasun eta Finantza Saileko foru-diputatua

9:45 – Ekonomia Ituna iraganeko tresna gisa. XIX-XX. mendeak

Eduardo J. Alonso-Olea doktorea – Ituna Zentroko zuzendaria eta Historia Garaikideko irakasle titularra (EHU)

10:15 – 64 bis artikuluaren arau-esparrua: I+G+B proiektuetarako zerga-pizgarriak

Antonio Pérez – Bizkaiko Ogasuneko zuzendari nagusia

11:00 – Atsedena
11:30 – Arrakasta-kasuak: Sarrera

Gemma Martínez – Bizkaiko Ogasun eta Finantza Saileko Aholkularitza eta Zerga Politikako zuzendariordea

11:40 –Sektore energetikoa

Andrés Galnares – Chief Executive Officer H2Site

12:10 – Sektore bioteknologikoa

Javier García – General Partner de Columbus Venture Partners

12:40 – Amaierako hitzaldia. Ekonomia Itunak EAEko politika ekonomikoaren eragile gisa aitortzen dituen eskumenak baliatzea.

Iñaki Alonso doktorea – Eusko Jaurlaritzako Ogasun sailburuordea

13:20 – Jardunaldiaren amaiera

Izena emateko hemen sartu.