Ekonomia Itunaren eta Foru Ogasunen Ikerketarako Agiritegia
Nor gara
Ekonomia Itunaren eta Foru Ogasunen Ikerketarako Agiritegia – Ituna Zentroa – 2007an sortutako proiektua da, Bizkaiko Foru Aldundiaren eta Euskal Herriko Unibertsitatearen (EHU) arteko lankidetza hitzarmenaren ondorioz. Gizarte eta Komunikazio Zientzietako Fakultatean (Leioa) eta Ekonomia eta Enpresako Fakultatean (Sarriko) ditu bere ikerketa egoitzak.
Bere sorreratik Zentroak Dokumentazio zerbitzua du, Ekonomia Itun eta Hitzarmen Ekonomiko, Foru Ogasun, euskal zerga sistema eta, oro har, federalismo fiskala edo deszentralizazio fiskala eta finantzarioari buruzko informazioa bildu, arrazionalizatu, aztertu eta zabaltzeko. Hamar urtez baino gehiago, etenik gabe, Zentroak era guztietako informazio iturriak bildu eta ordenatu ditu, adibidez, prentsa, produkzio zientifikoa edo ikus-entzunezko baliabideak; ikerlari, komunikabide akademiko, instituzio, profesional eta publiko orokorrari datu base zabala eskaini ahal izateko. Banku honek plataforma ezin hobea da “big data” aztertzeko, dagoeneko finkatuta dauden ikasketa arloetan sakontzeko eta ikerketa bide berriak aztertzeko eremu emankorra irekiz.
Dokumentazio zerbitzuaz gain, Zentroa gure ikerketa lerroekin zerikusia duen ikertzaileentzako topagune eta erreferentzia gunea bilakatu da. Zentroak Gradu Amaierako edo Master Amaierako Lana egin nahi duten ikasleei, doktorego aurreko eta doktorego ondoko ikertzaileei, baita nazioko eta nazioarteko mota guztietako ikertzaileei baliabideak eskaini eta harrera egiten die.
Azkenik, Zentroak Ekonomia Itun eta Hitzarmen Ekonomikoa eta euskal zerga sistemaren ezagutza bultzatu, hedatu eta sustatzen du, batez ere euskal, espainiar eta europar iritzi publikoan, zein nazioarteko beste esparru batzuetan, euskal kasua federalismo fiskalari buruzko nazioarteko ikerketa korronteetan kokatuz. Zentzu horretan, Zentroak Ituna Newsletter-a argitaratu, mintegiak antolatu , argitalpen zientifikoen ekoizpenean parte hartu eta beste entitate eta erakunde batzuekin lankidetzan aritzen da Itun eta Hitzarmen eta euskal zerga sistemaren ezagutza zabaltzeko helburuarekin.
IKERKETA LERROAK
Ekonomia Itunaren eta Foru Ogasunen Ikerketarako Agiritegiaren proiektuak hiru ikerketa lerro nagusi garatzen ditu:
Ekonomia Ituna eta euskal zerga sistema
Ekonomia Ituna | Hitzarmen Ekonomikoa | Foru Ogasunak | Euskal zerga sistema: euskal sektore publikoaren zerga eta aurrekontu politika.
Federalismo fiskala eta zerga-sistema konparatua
Federalismo fiskalaren teoria: deszentralizazio fiskala eta finantzarioa | Espainiako finantzaketa autonomiko sistema | Europar Batasuna eta Europako integrazio fiskal eta ekonomikoaren prozesua: zerga sistemen konparazio analitikoa.
Erakunde publikoak eta elite politikoen azterketa
Aktoreen prosopografia edo biografia kolektiboa: talde sozialak, elite politikoak eta administrari publikoak | Ordezkari batzarren, parlamentuen eta erakunde publikoen azterketa eta bilakaera.
Lankidetza gunea
Ituna Agiritegiak lankidetzan ari da beste entitate eta erakunde batzuekin, Ekonomia Ituna eta Foru Ogasunak hedatzeko eta sustatzeko duen helburua gauzatzeko. Horretarako, argitalpen zientifikoak egiten ditu eta mintegi, biltzar eta ponentzietan parte hartzen du, Ekonomia Itunari eta Euskadiko zerga-sistemari buruzko ezagutza zabalduz osatutako iritzi publikoa garatzen laguntzeko.
Ekonomia Ituna eta Foru Ogasunen Ikerketarako Agiritegiko ikertzaileak
Gure ikertzaileak eta kolaboratzaileak ezagutu
Ituna Agiritegiak ikertzaile iraunkorren talde bat eta kanpoko laguntzaileak ditu. Horiek guztiek zentroaren helburuak betetzen dituzte, bere ikerketa-ildoekin bat etorriz. Horrela, Ekonomia Itunaren eta Foru Ogasunen ezagutza zabaltzea, euskal zerga-sistemaren gaurkotasunaz gain, langile horien ekoizpen zientifikoaren bidez eta mintegietan eta era guztietako dibulgazio-jardueretan parte hartuz lortzen da. Langile iraunkorrak zentroa eguneratuta edukitzeaz ere arduratzen dira. Horretarako, Newsletter bat argitaratzen dute hilero, unean uneko berrikuntza zientifikoekin batera, euskal sistema fiskalari dagokionez gaurkotasun eta garrantzi handiena duten albisteak biltzen dituena.