Estatuko Aurrekontu Orokorren proiektuak Euskadik 2017an Estatuko Administrazioari Kupoan 1.202 milioi euro ordaintzea aurreikusi du. Eusko Jaurlaritzak ordaindu beharko lukeena baino 352 milioi euro gehiago direla adierazi du. Desadostasuna erabatekoa da azken urte luzeetan eta 2008tik itxi Gabe daude Kupoaren likidazio guztiak.

Eusko Jaurlaritzaren arabera, 2011tik aurrera behar baino 1.600 milioi euro gehiago ordaindu dizkio espainiar Estatuari eta urtengo Kupoa 850 milioi eurotakoa izan beharko litzateke. Oraindik onartu Gabe daude Kupoa kalkulatzeko 2012-2016 ella 2017-2021 bosturtekoetako metodologiak. Espainiar Estatuak 2007-2011 bitarteko araua erabili du aurtengo Kupoaren kalkulua egiteko.

Kupoaz gain, Espainiar Gobernuaren eta Eusko Jaurlaritzaren arteko beste finantza-harreman batzuk azaltzen dira aurrekontuetan. Estatuaren aldeko finantza konpentsazioak azaltzen dira, alkoholari, edari eta tarteko produktu batzuekin duen itunagatik. Kontzeptu horiengatik Euskadik 63 milioi euro ordiandu beharko ditu.

Josu Erkoreka, Eusko Jaurlaritzako bozaramaileak, Gobernuarekin dituzten desadostasunak “laster” konpontzea espero duela adierazi du. Erkorekak azaldu duenez, azken hamar urteotako Kupoaren likidazioa eta Kontzertu Ekonomikoa gaurkotzea Iñigoren Urkulluren gobernuarentzat “lehentasuna” dira.

Iturriak:

1.Iturria

2.Iturria

3.Iturria