Markel Olano, Gipuzkoako Ahaldun Nagusiak, eta Jabier Larrañaga, Ogasun eta Finantzetako diputatuak, Gipuzkoako Foru Aldundiaren 2015-2019 Ekonomia Suspertzeko Planak fiskalitate arloan jasotzen dituen neurrien berri eman dute. Jakinarazi dutenez, lan ildo hauen bitartez, “Lurraldeko ehun ekonomikoanren lehiakortasuna” indartu nahi dute, gobernantzaren zein araudi fiskalaren arloan martxan jarriko diren ekimenen bitartez.

Urrian ekonomia suspertzeko plana martxan jarri ostean, foru arau bat atontzen ari da orain Gipuzkoako Aldundia, PFEZ persona fisikoen errentaren gaineko zergan oinarrituta. Hala nahi duten langileei, enpresetako etekinetanm kudeaketan eta jabetzan parte hartzeko “zerga onurak” eskainiko dizkiete.

Jabier Larrañagak zenbait neurri iragarri ditu pauso hori eman nahi duten langileentzat: besteak beste, egungo egiturak jartzen dizkien “oztopoak” ezabatuko ditu diputazioak. Ogasun eta Finantza diputatuak harago jo nahi du: “zerga sistema ez da motibazio izan behar, baina ezta traba ere”.

Markel Olanok zerga sisteman “gobernantza berria” sustatzeko asmoa du. Hiru ardatzen bueltan harilkatuko ditu agintaldiko erronkak: finantza egokia, zerga iruzurraren aurkako borroka eta gizarte politiken ongizatearen iraunkortasuna.

Iturriak:
1.Iturria

2.Iturria

3.Iturria